Me utvidar innhalds- og filmteamet

Illustrasjon av prosjeket

Dermed har me styrka teamet vårt ytterlegare på innhaldsproduksjon. Kristian er blant anna ein del av redaksjonen som arbeider med næringsportalen medvind24.no

– Eg er veldig glad for å kunne vere med på løfte alle dei gode historiene me har her lokalt. Det skjer mykje spanande i næringslivet, og det er viktig at nokon tar tak i dette og fortel det ut til publikum, meiner Kristian som vil arbeide både med tekst, foto og film i sin nye jobb.

– I tillegg syns eg det er veldig stas å kunne jobbe i Omega, ei bedrift eg har høyrt mykje fint om, og som ikkje minst er gode på vekst og utvikling, meiner han.

– Kristian som starta hjå oss i oktober er eit ungt og friskt pust og ei ytterlegare styrking på innhald. Han er utdanna film- og radiojournalist og saman Filmfotograf Elin Sørheim, som kom på laget vårt i september, vil han og kunne bidra med filmproduksjon, fortel dagleg leiar Astrid Eidhammer Hjelmeland.

Kristian har alltid likt å bruke språket, og har alltid interessert seg for dei historiene som folk har å fortelje. Det var også gleda av å prate med folk, og kunne formidle gode historier som fekk han til å endre utdanningskurs.

– Eg starta jo eigentleg på elektro på vidaregåande, men fann raskt ut at det ikkje var noko for meg. Eg tok påbygg og starta etterkvart på TV og radio-linja på Mediehøgskolen Gimlekollen, der eg fekk bacheloren min i journalistikk. Eg angrar absolutt ikkje på det valet, slår Kristian fast.

I etterkant av studiene dukka det opp eit passande vikariat i TV Haugalandet der Kristian fekk prøve seg innan dei fleste rollene, både som journalist, programleiar, fotograf og produsent. Etterkvart gjekk vegen til NRK og Stavanger.

Draumen om å flytte heim igjen til Skjold har likevel alltid vore der, og med den nye jobben i Omega Design kom også sjansen for Kristian til å flytte attende til Skjold, der han no er i gang med å etablere seg. Nytt hus er under planlegging, og går alt etter planen flyttar Kristian inn til sommaren.
– Det er ganske kjekt å kunne flytte heim igjen, det har eg alltid drøymt om. Det er her eg har familie og venner, fortel Kristian som på fritida held liv i gamle takter som fotballspelar.

– Det går generelt mykje i idrett, men aller mest på TV, der er eg god, får med meg det aller meste av både fotball og ski. Eg har allereie plassert TVen i det nye huset, seier han og ler godt.


Publisert
Judith Sørhus Litlehamar
Publisert
4/12/2019
Illustrasjonsbilde
Ønskjer du ein uforpliktande prat eller tilbod?
Kontakt Astrid
Portrett av Astrid Hjelmeland

Fleire saker

NOEN